میاں محمد فاضلؒ ایک باعمل، مخلص اور دردِ دل رکھنے والے بزرگ تھے جنہوں نے دینی شعور اور اخلاص کے ساتھ اسلامک سنٹر اینڈ جامع مسجد میاں محمد فاضلؒ کی بنیاد رکھی۔ آپ کا مقصد ایک ایسے مرکز کا قیام تھا جہاں نماز، تعلیم، اصلاح اور دین کی تبلیغ کا سلسلہ جاری رہے۔ آپ نے اپنی زندگی دین کی خدمت کے لیے وقف کر دی، اگرچہ آپ مسجد کی تعمیر کے آغاز کے کچھ عرصہ بعد ہی خالقِ حقیقی سے جاملے لیکن آپ کا یہ شروع کیا ہوا عظیم دینی منصوبہ جاری رہا جنہیں آپ کے بیٹے جناب میاں طلعت محمود صاحب نے پایہ تکمیل تک پہنچایا۔ آج یہ مسجد اُن کی خالص نیت اور محنت کا عملی نمونہ ہے، جہاں سینکڑوں لوگ دینی فیض حاصل کر رہے ہیں۔